:
:
اول شئ سوري على التأخير .. تعرفون بعد بنت ثنويه عامه .. لازم تكون بزي بالدراسه ..
ما عليييه بنت العم .. بالحل .. والله يوفقج ويسهل عليييج =)المهم وربي منوره الموضوع ..
احم احم شكرا .. تراج انتي اللي حطيتيني في الموضوع وجان انور ^.^والحين بنبدا في الاسئله ..
شو 3 امنيات في خاطرج تتحقق ولي الحين ماتحققت ؟؟
آخذ الليسن .. أتزوج إنسان يحبني وأحبه .. أتخرج من الجامعة بامتياز ..شو الموقف الي صار لج وندمتي عليه ؟؟
سؤال مكرر و ما فيّه أعيد الإجابة !منو الشخص الي يقدر يمسح دمعتج في وقت الضيق؟؟
أمــــي و صديقتي خلود منو اقرب وحده لج من الاهل؟؟
سؤال مكرر وإجابته خالوه العاشــــ .. كم مره صحتي وانتي كبيره؟؟ وليش
وااااايد صحت حتى وأنا كبيرة لأن الدموع ما تفرق بين صغير ولا كبير ..
صحت ف آخر يوم لي ف المدرسة ..
صحت يوم اشتكيت على مس الانجليزي عند المديرة ..
صحت يوم امي وابويه ساروا العمرة وودرونا !
صحت يوم وافقت على قرار مصيري مأساوي بالنسبة لي .. >.<
وصحت وصحت وصحت ..... إلخ <<<<<< شكلي ما بخلص اليوم !احلى موقف مر في حياتج ومستحيل تنسينه ؟؟
سؤال مكرر .. شو الشئ الي يعيبج فيني وشو الشئ الي مايعيبج فيني ؟؟
احب فيج طيبتج و سوالفج الحلوة و استهبالج وجنقلج و اجتهادج و تدينج في بعض الأوقات ..
وما أحب فيج حشج أحيانا ف الناس و كرهج لبعض الناس !مكان وايد اتحبين اتروحينه ؟؟
البــــــر ..مكان مادانين اتروحين له ؟؟
أي بيت ما يكون عندهم بنات كبري .. شو الشئ الي مب حلو في العائله وتبين اتغيرينه ؟؟
الشورشركييييي .. الله يبعده عنا وعنكم وعن جميع الأمة الاسلاميه !وين تستانسين اكثر رحلاتج الي في بوظبي ولا في الشارجه ؟؟
على حسب المكان اللي نروحله والأشخاص المرافقين ..
مثلا : طلعات البر والبحر والحدائق مع هل الشارجة تكون رهييييبة ..
و طلعات مبزرة والمولات والقرية مع هل بوظبي شي عجيييييب =) ..وشو الشيء الي ينرفز فطيم ؟؟
بروووود حمدة .. غلاسة أسووووم .. استعباط حمودي حزة الدراسة .. الشورشركي .. حد يزقرني بغير "فطيم" .. هع هعشو سر نجاحج في الحياه ؟؟ <<<ماشاء الله عليج طبعا ناجحه في كل شئ
هع هع اسميييج بنت العم وايد تجاملين .. ولو كنتي تشوفيني ناجحة ف هالشي أولا بتوفيق من الله ورضى امي وابويه وبعد لأني اسوي كل اللي أقدر عليه ومن ثم أتوكل على الله وادعيييييه ينجحني ويوفقني .. ^.^شو تعنيلج حمده .. وشو تتخيلين الحياه لو هي مب اختج ؟؟ وماعندج اخت غير اسوم
حمكوووه اخت زينة في بعض الاوقات و كريييهه في أغلب الأوقات ! انسانه باردة و جنقليه و خريطة >>>> دوم تخرط عليه وأنا حليلي أصدقها !!
وعادي عندي تكون حياتي بدونها وبدون أسوم حتى .. لأني مستقله عنهن في كل أموووري .. بس دام ان الله رزقني هالاختييين فالحمدلله على كل حال و الله يهدييينا ونحب بعض يوم من الأيام منو حابه اتقابلينهم من المصورين ؟؟
خمييييس الحفيتي .. وكل المصورين والمصورات اللي كانوا ويانا ف مواااهب ..شو الهوايات والمواهب الي عندج غير التصوير ؟؟
أحب أقرا كل شي .. أحب اكتب قصص وخواطر .. أحب اكون صداقات .. وأكثر شي أحب الأكل والنوووووم ... ههههههههصوتي حلو ولالا ؟؟ <<< لانه محد يقول صوتي حلو غيرج فابا اصدق عمري
ما شا الله عليييج بصراحة صوتج وايد حلو .. بس انتي مشكلتج انج ما تضبطين اللحن ف الناس يوم تسمعج تحس ان صوتج نشاز !!في مره طفرتي في ابلواتج ؟؟ يعني لعوزتي ابله ولا شئ
وااااااايد اطفر بالمسات .. وكل مس طفرتبها اتوله عليييها الحييين >.<شو احلى الحياه المدرسيه ولا الحياه الجامعيه ؟؟
الحياة الجامعيـــــه .. لكن بعد المدرسة فيها أشيا حلوة وما تتكرر =)خاطرج تتدرسين مره ثانيه في المدرسه ولا خلاص مليتي من 12 سنه ؟؟
خاطريه ادرس اسبووووع فقط لا أكثر .. هع هعانا بعطيج اسماء واشخاص وانتي ارمسي عنهم في جمله .. عادي ترمسين عن ايجابياتهم او سلبياتهم او حبج لهم
امج :
فدييييييييتها امي الغاااليه .. أحسن وأغلى و أحن أم في الدنيا ، وهيه أم مثالية بصراحة في كل شي ، اتمنى آخذ لو شويه من صفاتها وأخلاقها ، وهيه مش بس أم هيه اخت وصديقة في نفس الوقت ، الله يخليها لنا ذخر طول العمر ..ابوج :
حبيييييبي ابويه ، ابويه طيب وااايد و ويحبنا وااايد و أهم شي انه يحترمني ويقدرني و يحب يشاورني ف وايد اشيا وأنا أفتخر فيه طبعا ، و بصراحة اتمنى اكون مثله في مجال العمل لأنه موظف نمبر 1 ما شا الله عليييه ..حميد :
اخووووويه وصدييييقي وعزييييزي .. فديته يحس فينا ويطلعنا و يقشتنا واحسه اخو غيييير ولا له مثييييل ..عمو مريم :
أغلى عمه .. وهيه انسانه طيبة و حبوبة و سوالفها تعيبني واحب اسير وياها رحلات و مخيمات لأن رفقتها ما تنمل و طباخها لا يعلى عليييه ما شا الله .. :D
محسين:
يدوووووه بركة بيتنا و شمعته اللي منورتنه واللي لولاها جان ما عرفتوا وحدة اسمها فطيم ولا فطوووم ولا عواااش ... خخخخخخ .. هيه بصراحة يدة طيبة وحنونة لكن تقهرني مرات لأنها تحب الاولاد أكثر من البنات حتى لو كنا أحسن عنهم في كل شي ..!!ايمان :
بنت عموووه الانسانة الطيبة الرقيقة الهااادية الحساااسة والعصبية أحيانا .. أحب ذوقها ف الفساتين و احسها صاحبة أفكار جهنمية في المخيمات =)عاشه اختي:
بنت العم الأقرب سنا لي .. حبوووبه وطيبة و تحبني واحبها >>>>> كيفي تحبني ، واحسها فنانة و عليها سوالف حلوة و هيه صاحبة الليسن الفضي اللي نتمنى أن نحصل عليه ^^نوره عيسى:
بنت بنت العمة .. طيوبة ومبدعة وفنانة و مثقفة و متحضرة و مختفيه هاليومييين !حمده :
اختي الصغيرة اللي مفشلتني في مدرستيه القديمة هع هع هع وباقي صفاتها قلتها في السؤال اللي فوق .. وزيادة عليها انها الاخت اللي غاثتني بآيبودها ودي أكسره وافتك منه !!عفاري:
خالوووه الصغيييرة الحبووبة الطيبة الدلوعة الحساسة الكشيخة وعليها سوااالف خطيرة تموت من الضحك .. ^.^ وصدقا صدقا ما أتخيل بيت أماايه بدووونها ..فطوم انا :
بنت العم الحبوووبة الطيبة صاحبة المنتدى العجيب ، والمزيد في السؤال اللي فوووق .. >.<خالتج حسنه :
خالووووه المبدعة والتي تشجع الابداع والمبدعين و ما شا الله عليها فنانة في التعامل وتمدحني وايد !! و انا وياها تقريبا نتشارك في بعض الافكااار .. ومرات تقهرني بس مادري ليش !سورينا :
بشكارتنا المطييييعة اللي تعمل بلا كلل ولا ملل ما شا الله عليها ، لكن ما يعجبني فيها حنتها و قرقرتها الزايدة و تضخيييمها للأمووور يعين ( تسوي من الحبة قبه ) !!امي :
مرت عمييييه .. انسانه وايد طيبة و قلبها أبيييض وتحب الخير للناس وهيه وايد حنونة و ما شا الله عليها صبووورة وان شااا الله بإذن الله أشوفها أم العروس أو ام المعرس قرييييبا عاجلا غير آجل ^.*ابوي :
عميييييه الوحيييد .. هوه عم وايد طيب و فنااان و غشمرجي و كرييييم و يحب يخدم الكل وما يقصر على الكل و السفر وياه مريييح على قولة ابويه ، وبصراحة يعجبني ف كل شي مريوم اختي:
بنت العم الهااادية الرقيقة اللي احسها نسخة من امها وما شا الله عليها ما جد زعلتني او قهرتني ف يوم ..خالتج مريم :
خالووووه فديتها اختيه العودة اللي ما تقصر ويايه و دوم تحس فينا وف أمي و احبها وااايد واحترمها وااايد و أحسها مرات تكون جنقليه ويوم تبدا تستهبل انسووووا عااااد !خالتج عاشه :
خالووووتي واختي وصديييقتي وأقرب وحدة لي من العايلة ، أحب أخبرها بكل سوالفي وأحب اسمع سوالفها وأكشناتها ، هيه انسانه حبوبة وطيبة وايد و حلو اسلوبها ف التعامل مع الناس و أحب وااايد أطلع وياها و أحب ذوقها ف أغلب الاشياء و ما استغنى عنها ابد ..(( أنتي قلتيلي اكتبي جملة عن كل شخص وانا كتب تعبيييير خخخخخخخ ))ارمسي عن فطيم في جمله ؟
فطيم بنية جامعية حبوبة مبدعة جنقلية مسلمة ( احلفي انتي بس ) تحب كل الناس وتتمنى الكل يحبها اتحبين اتحلين مشاكل الناس ولالا؟؟
طبعا أحب أحل مشاكل الناس لكن ما أحس اني وايد شاطرة في هالشي ..وبس حرااام تعبتج وااايد سألت معنه في خاطري وايد اسئله ..
بس هاي الغاليه فطيم مابتعبها ..
الحييين ما بتعبيني بعد ما تعبتيني وهلكتيني وخلصتي !!
هع هع ما عليييه مسامحتج لأني قبل سويتها فيييج واشكرج على فكره الموضوع
العفو فديتج وكل يوم تعالي ترى المنتدى منتداااج >>>>>> هع هع ما قلت شي يديد:
: